Ագռավները լուծել են Արքիմեդի խնդիրը

Գիտնականները ևս մեկ անգամ հավաստել են, որ ագռավները խելացի են: Փորձարկումների ժամանակ նրանք օգտագործել էին քարեր, որպեսզի բարձրացնեին անոթի ջրի մակարդակը: Համարվում է, որ նման մի փորձ կիրառել է Արքիմեդը այն օրենքի բացահայտման ժամանակ, որն հետագայում անվանվել է նրա անունով: Այս մասին հայտնում է «Լենտա ռու»-ն:

Լեգենդներից մեկի համաձայն, Արքիմեդին առաջադրվել էր պարզել, թե արդյո՞ք Սիրակուզի թագավոր Գերոն 2-րդի թագը իսկապես մաքուր ոսկուց էր: Դրա համար անհրաժեշտ էր որոշել դրա ծավալը, սակայն թագն ուներ անսովոր ձև, ինչի պատճառով դա անելը դառնում էր երկրաչափորեն անհնար: Եվ համաձայն լեգենդի, առաջադրանքի լուծումը Արքիմեդը գտել է լոգարանում լողանալիս` նկատելով, որ մարմինը իր ծավալով ջուրը դուրս է մղում լոգարանից:

Ուսումնասիրությունների ժամանակ ագռավներին տրվել է անոթ` ջրի փոքր քանակով, որի մակերևույթին լողում էր կերը, որն ուտել ագռավները փաստորեն չէին կարող, քանի որ անոթը շատ խորն էր:

4 ագռավներից 2-ն անմիջապես գլխի էին ընկել, թե ինչ անել. նրանք սկսել են քարեր նետել անոթի մեջ, որպեսզի ջրի մակարդակը բարձրանա համապատասխան չափով, և իրենք կարողանան հասնել կերին:

Գիտնականները, որպեսզի պարզեին, թե որքանով են ագռավները հասկանում իրենց արածը, առաջադրել էին տարբեր մեծության քարեր: Պարզվել էր, որ թռչունները նախընտրում են օգտագործել խոշոր քարերը:

Բազում անգամ կիրառված փորձերը ապացուցեցին ագռավների խելքը: Գիտնականներին նաև հաջողվել է պարզել, որ այս թռչունները ընդունակ են միաժամանակ օգտագործել մի քանի գործիքներ: Դա մի հատկություն է, որ նախկինում միայն նկատվել էր միայն պրիմատների մոտ: Սակայն կենսաբանները վստահեցնում են, որ վայրի բնության մեջ ագռավները երբեք այդպիսի հատկություններ չեն դրսևորել:

Նրանք կարծում են, որ դա կապված է անհրաժեշտության բացակայության հետ: Ազատության մեջ թռչունները իրենց կերն հայթայթում են առանց լրացուցիչ ճիգերի:

Հարցեր, պատասխաններ, մեկնաբանություններ